川貝杏仁百合燉雪梨 (速成)

臨床工作所見，因於熱氣上火，而來求診的人，為數不少。大部份係因為煙酒過多，經常捱夜，缺乏休息，加上因節日而多食煎炸燥熱，平時又少飲湯水，而出現一系列所謂「熱氣」症狀，如喉嚨痛、聲沙、乾咳、面瘡、大便乾結、皮膚乾等，特別是秋燥天時，或用聲過度，表現就更加明顯。中醫所謂的肺燥肺熱，胃熱腸燥。

不欲飲苦茶，想自己解決，但又不想浪費時間？可試以下食療，15分鐘速成，急速滋潤一下。

(1). 新鮮百合2個（2人份量），切開，洗淨。

 (2). 川貝5克（普通的約HK$7/克），南北杏各半，共20多粒，緊記多食不可。北杏仁屁股圓味苦偏止咳，南杏仁屁股尖味甘偏潤肺。

  (3). 雪梨1個，洗淨。

 (4). 微波爐盒子、保鮮紙、蜂蜜。

 (5). 雪梨不去皮，切開，去蕊，放進盒子。

 (6). 將川貝及杏仁填滿梨蕊，百合放在梨旁。

 (7). 貫入滾水至8成滿。

(8). 用保鮮紙全覆蓋，用筷子在上面刺8-10個洞以便透氣。

(9). 微波爐高火叮10-12分鐘。

(完). 食前加適量蜂蜜調味，一碗清熱潤肺、止咳利咽的甜品，即時奉上，緊記，要連渣吃！